Нохчийн Республикин юкъараллин-политикин "Даймохк" газето а, Нохчийн Республикин Яздархойн союзо а, Нохчийн Республикин юкъараллин-политикин "Вести Республики" газето а дӏакхайкхайо "Нохчийчоь - берийн бӏаьргашца" аьлла йолчу сочиненийн конкурс

Нохчийн Республикин юкъараллин-политикин "Даймохк" газето а, Нохчийн Республикин Яздархойн союзо а, Нохчийн Республикин юкъараллин-политикин "Вести Республики" газето а дӏакхайкхайо "Нохчийчоь - берийн бӏаьргашца" аьлла йолчу сочиненийн конкурс.1) Конкурсехь дакъалаца йиш ю 9-11-чуй классашкарчу дешархойн;2) Материалаш нохчийн маттахь бен хила йиш йолуш яц;3) Материалаш daimoxk@bk.ru почти тӏе схьатаса а, "Даймохк" газетан редакце схьаяхкийта (схьаян) а мегаш ду;4) Материалаш оханан (апрель) беттан 10-гӏа де кхаччалц бен схьаоьцуш яц.Конкурсехь дӏакхайкхийна толаман а, совгӏаталлин а 6 меттиг ю: кхозлагӏа 3 меттиг а, шолгӏа 2 меттиг а, хьалхара 1 меттиг а.Конкурсан хьокъехь кхидолу хаттарш стационаран 8(8712)22-22-24 (белхан хена чохь) номерца а, мобильни 8(995)804-70-73 (WhatsApp/Telegram) номерца а, Instagram а, Mylistory а сеташ чохь Direct-н гӏоьнца а дала йиш ю.ОХАНАН (АПРЕЛЬ) БЕТТАН 25-ЧУ ДИЙНАХЬ БИЛГАЛДОККХУЧУ НОХЧИЙН МЕТТАН ДЕННА ЛЕРИНА Ю КОНКУРС